Өмнөд Солонгосын ерөнхийлөгчийн сонгуулийн дүн гарч, Ардчилсан намаас нэр дэвшигч Ли Жэ Мён ялалт байгууллаа. 2022 оны сонгуулиар Юн Сук Ёлд нэг хувь хүрэхгүй саналын зөрүүтэй ялагдсан Ли Жэ Мёны хувьд энэ нь гайхалтай эргэн ирэлт болж байна.
“Yonhap” хэвлэлд мэдээлснээр Ли Жэ Мён 17,287,513 хүний санал авч, 49.42 хувиар ялжээ. Харин түүний гол өрсөлдөгч Ардын хүчний намын Ким Мүн Сү 14,395,639 санал авч, 41.15 хувиар удаалав.
Улсын хэмжээнд сонгуулий насны 44.39 сая хүн байснаас 35.24 сая буюу 79.4 хувь нь саналаа өгчээ. Энэ нь 1997 оны сонгуулийн ирц 80.7 хувьд хүрсэнээс хойших хамгийн өндөр үзүүлэлт болсон.
Шинэ ерөнхийлөгч шилжилтийн үегүйгээр шууд албан тушаалдаа орно. Үндэсний сонгуулийн хороо сонгуулийн эцсийн дүнг баталгаажуулмагц Ли өнөө өглөөний 06:21 цагаас албан тушаалаа шууд хүлээж авав. Мөн өнөөдөр 11:00 цагт Үндэсний ассамблейд тангаргаа өргөнө.
ЭХ СУРВАЛЖ: YONHAP
Discussion about this post