ЛИБЕРТАРИ ГЭДЭГ НАМ УИХ-ЫН ЭЭЛЖИТ СОНГУУЛЬД АН-ТАЙ ХАМТАРЧ ОРОЛЦОХОО МЭДЭГДЛЭЭ
 
Ангилал
Улс төр
Огноо
Унших
1 минут 46 секунд

ЛИБЕРТАРИ ГЭДЭГ НАМ УИХ-ЫН ЭЭЛЖИТ СОНГУУЛЬД АН-ТАЙ ХАМТАРЧ ОРОЛЦОХОО МЭДЭГДЛЭЭ

Либертари Нам Улсын Их Хурал(УИХ)-ын 2024 оны сонгуульд Ардчилсан Нам(АН)-тай хамтарч оролцохоо өнөөдөр зарлав.

Сонгуульд нэгдэж оролцох саналыг улс төрийн зургаан нам тавьсан бөгөөд Удирдах Зөвлөл(УЗ), гишүүдтэйгээ ярилцсаны үр дүнд АН-тай хамтрахаар боллоо хэмээн Либертари Намын дарга Д.Амартүвшин хэллээ.

Мөн тэрбээр "Либертари Нам нь хувь хүний эрх чөлөө, чөлөөт зах зээлийг дээдэлдэг. Эрх чөлөөнд садаа болж байгаа бүгдийг улс төрийн тавцангаас зайлуулахын төлөө манай нам ажиллах болно" гэв.

АН-ын дарга Лу.Гантөмөр "Монгол Улс хөгжихгүй байгаа шалтгаан бол төрийн алба данхайж, хэт томорсон, төр бүгдийг шийдэх гэж оролддог, төлөвлөгөөт эдийн засгийн хэв маягаас салаагүй, өмчийн эрхийг уландаа гишгэсэн, хүний эрхийг хааж боогдуулсан гэдэг зүйлс яригддаг.

Либертари Намын үзэл санаа бол монгол хүн өөрийнхөөрөө баймаар байна гэж байгаа. Энэ нь Монголын хөгжлийн нууцыг бүрэн дүүрэн илэрхийлж байгааг хэлмээр байна. Монгол орон бол монгол хүн бүрийн хөдөлмөр, сэтгэлгээ, оюун санаан дээр хөгжил дэвшил ирнэ гэдэгт итгэлтэй байдаг. Үүнийг тод томруунаар, энгийнээр илэрхийлж чаддаг залуу үе гарч ирсэнд бид талархаж байгаа. Залуу үеэ цаашид мөрөөдлөө ажил хэрэг болгож, мөрөөдөж байгаа нийгмээ Монгол Улсад байгуулаасай гэж хүсэж, түүндээ хүрэхэд АН гүүр болъё гэсэн шийдвэр гаргаж байгаа" гэлээ.

.

Иргэний шилжилт хөдөлгөөний бүртгэлийг энэ сарын 29-нөөс зогсооно
Иргэний шилжилт хөдөлгөөний бүртгэлийг энэ сарын 29-нөөс зогсооно
 
Ардчилсан намаас 2024 оны УИХ -ын сонгуульд нэр дэвшигчид.
Ардчилсан намаас 2024 оны УИХ -ын сонгуульд нэр дэвшигчид.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!