3×3: Монголын баг Италийг ялж, дэлхийн аваргыг өнгөтэй эхлүүллээ

Хятадын Шионган хотноо өнөөдөр/2025.09.17/ FIBA 3×3 сагсан бөмбөгийн 23 хүртэлх насны дэлхийн аварга эхэллээ. Эрэгтэй, эмэгтэй нийт 40 шигшээ баг өрсөлдөж байгаа бөгөөд Монгол Улсаа төлөөлөн залуучуудын эрэгтэй шигшээ баг оролцож байна.

Монголын залуучуудын шигшээ баг тэмцээний чансаагаар гуравдугаарт бичигдэж байна.

Монголын эрэгтэй шигшээ баг С хэсэгт Итали, Алжир, Аргентин, Венесуэль гэсэн дөрвөн шигшээ багтай багтжээ. Тэд дөнгөж сая хэсгийн эхний тоглолтоо Италийн эсрэг хийж, 22-16 гэсэн харьцаатай хожив.

Багийн бүрэлдэхүүнд:

Э.Маргад Г.Дөлгөөн Г.Болор-Эрдэнэ С.Төгөлдөр нар багтжээ. Тэд дараагийн тоглолтоо өнөөдөр 12:45 цагаас Аргентины эсрэг хийнэ.