ХХААХҮ-ийн сайд Ж.Энхбаярын хөрөнгө, орлогын мэдүүлэг гишүүдийн дундаас “тэсэрч” байгаа жагсаалтад орохуйц байна. Хувийн орлого нь хоёр тэрбумаас давж, хадгаламж нь хэдэн тэрбумаар хэмжигдэнэ. Харин “бусдад зээлдүүлсэн” гэх 12 тэрбумын авлага үнэхээр анхаарал татна.
💸 Орлого: Төрд ажиллаад тэрбумтан болдог жишээ Өөрийн орлого (2023): 2 тэрбум 225 сая ₮
Гэр бүлийн орлого:
2019 онд: 46 сая ₮
2023 онд: 483 сая ₮ → 10 дахин өсөлт. Зарим бизнес эрхлэгч ч ингэж амжилт гаргахгүй биз!
🏠 Үл хөдлөх хөрөнгө: Үл хөдлөх нь л хөдлөхгүй үнэтэй 1 амины орон сууц
3 нийтийн орон сууц
1 авто зогсоол → Нийт үнэлгээ: 4 тэрбум 950 сая ₮
🚘 Тансаг хүлэг – Туулах чадвар нь улс төртэй адил Mercedes Benz G-500 – 250 сая ₮ → Элсэнд ч зүтгэнэ, элдвийг ч зүтгүүлнэ гэдэг биз?
💎 Үнэт эдлэл: 200 саяын гял цал Үнэлгээ: 200 гаруй сая ₮ → Монголын үнэт эдлэлийн зах зээлийн тод төлөөлөгч!
🏦 Хадгаламж: Тэтгэвэртээ гарсан ч 3 амьдралын нөөц Хадгаламж (2023): 3 тэрбум 765 сая ₮ → Тэтгэврийн даатгалд найдах хэрэггүй юм байна шүү!
📜 Авлага: Бусдад “зээлдүүлсэн” 12 тэрбум Авлага: 12 тэрбум 998 сая ₮ → Сайдын “тус болсон” хүмүүс олон бололтой.
🏢 Компаниуд: “Газар”-тай хүний бизнес Газар ХХК – 100% эзэмшдэг
Газар Капитал Партнерс ББСБ ХХК – 74% → Төр, банк, газар гурвыг гартаа барьдаг хүн цөөхөн.
Ж.Энхбаяр нь “Газар” ХХК-ийг 100% эзэмшдэг бөгөөд энэ компани нь газар тариалан, мал аж ахуйн чиглэлээр үйл ажиллагаа явуулдаг. Мөн “Газар Капитал Партнерс” ББСБ-ын 74%-ийг эзэмшдэг бөгөөд энэ нь санхүүгийн үйлчилгээ үзүүлдэг байгууллага юм.
2016 онд “Газар” ХХК-ийн охин компани болох “Газар Агро” ХХК нь Жижиг, дунд үйлдвэрийн хөгжлийн сангаас зээл авсан. 2018 онд “Газар Буудай” ХХК нь 950 сая төгрөгийн зээл авсан байна.
Тэрээр өөрийн бизнесийн салбарт хамаарах Хүнс, хөдөө аж ахуй, хөнгөн үйлдвэрийн сайдаар ажиллаж байгаа нь ашиг сонирхлын зөрчил үүсгэж болзошгүй нөхцөл байдал юм.
Discussion about this post