Ч.Ундрам: Зуслангаа зарсан ч үнэт эдлэл нь тэрбум давжээ

УИХ-ын гишүүн Ч.Ундрамын 2019–2023 оны хөрөнгө, орлогын мэдүүлэгт үнэт эдлэл нь “тэсэрч”, тээврийн хэрэгслүүд нь улам тансаг болжээ. Харин үл хөдлөх хөрөнгийн тоо багассан нь бага зэрэг сонирхол төрүүлж байна.

📈 Орлого – Өсөх нь үүрдийн хандлага 2019 он: 142 сая төгрөг

2023 он: 199 сая төгрөг → Жилд дунджаар 14 сая төгрөгөөр өсчээ. Хувийн хэвшилд ийм өсөлт байвал баяр наадам болно.

🏠 Үл хөдлөх хөрөнгө – Байраар хасаж, үнэт эдлэлээр нөхжээ? 2019 он:

510 саяын нийтийн орон сууц

2 зуслангийн газар

2023 он:

Зөвхөн 1 зуслангийн газар (50 сая төгрөгийн үнэлгээтэй)

→ Үл хөдлөх нь “хасагдсан” ч, эд баялаг өөр чиглэлд хошуурчээ.

🚗 Машинууд – Гял цал гарцтай, ганган тэрэгтэй Тээврийн хэрэгсэл (нийт үнэлгээ – 735 сая төгрөг):

Land Cruiser 300

Toyota Vanguard

Range Rover

→ Хурд хүчтэй, хүнд үнэтэй 3 том машин. Даруухан амьдралын дүр зураг л биш юм даа.

💍 Үнэт эдлэл – Ширээ дүүрэн, шүүгээ хүнд 1 тэрбум 48 сая төгрөгийн үнэт эдлэлтэй → Энэ тоо дан ганц хөөрөг, бөгж байгаад хүрэхгүй. Бүтэн үнэт эдлэлийн дэлгүүртэй шахуу мэдүүлэг шиг л харагдана.

🏦 Хадгаламж – Хадгалж чаддаг гишүүний жишээ 411 сая төгрөгийн хадгаламж → Тэтгэврийн иргэд 411 мянгын тэтгэмж авч байхад гишүүн 411 саятай хадгаламжтай. Харьцуулалт өөрөө өгүүлнэ.

🏢 Компаниуд дахь эзэмшил: Малтикс ХХК: Ч.Ундрам гишүүн 50% эзэмшдэг. Тус компани нь бөөний болон гадаад худалдаа, аялал жуулчлал, газар тариалан зэрэг олон чиглэлээр үйл ажиллагаа явуулдаг.

Дизель транс ХХК: Тэрээр 30% эзэмшдэг. Компани нь ачаа тээвэр, худалдаа зэрэг салбарт үйл ажиллагаа явуулдаг.

Хөнгөнбетон ХК: 179,373 ширхэг хувьцаа эзэмшдэг бөгөөд энэ нь нийт хувьцааны 50%-тай тэнцэнэ. Тус компани нь барилгын материалын үйлдвэрлэл, худалдаа эрхэлдэг.

Монгол Улсын Их Хурлын чуулганы хуралдааны дэгийн тухай хуулийн 10.10-д заасны дагуу, гишүүн хэлэлцэж байгаа асуудалтай шууд холбоотой үйл ажиллагааны үр дүнд өөрөө болон гэр бүлийн гишүүд нь орлого олж байгаа, эсхүл бусад хэлбэрээр ашиг сонирхлын зөрчилтэй бол энэ тухай хуралдаан даргалагчид урьдчилан мэдэгдэж, санал хураалтад оролцохгүй байх үүрэгтэй.

Ч.Ундрам гишүүний эзэмшдэг компаниудын үйл ажиллагааны чиглэлүүд нь дараах салбаруудтай холбоотой бөгөөд эдгээр салбаруудтай холбоотой хууль, бодлого хэлэлцэх үед ашиг сонирхлын зөрчил үүсэх эрсдэлтэй:

Худалдаа: Гадаад болон дотоод худалдаа, худалдааны зуучлал.

Аялал жуулчлал: Аялал жуулчлалын үйлчилгээ, аяллын зохион байгуулалт.

Газар тариалан: Хөдөө аж ахуйн үйлдвэрлэл, газар тариалангийн үйл ажиллагаа.

Ачаа тээвэр: Тээврийн үйлчилгээ, логистик.