Бүгд Найрамдах Доминикан Улсын нийслэл Санто Доминго хотод шөнийн клубын дээвэр нурж 98 хүн нас барж, 150 хүн гэмтжээ. Амиа алдсан хүмүүс дунд мужийн захирагч, бэйсболын лигийн тамирчин асан 51 настай Октавиа Дотель байжээ. Тэрбээр эмнэлэг хүргэгдэх замдаа гэмтлээ даалгүй амиа алдсан байна.
Тодруулбал, тэд алдарт дуучин Рубби Пересийн тоглолтыг үзэхээр “Jet set” шөнийн клубт цугларчээ. Гэвч тоглолтын үеэр тус барилгын дээвэр нурж энэ харамсалтай хэрэг гарсан байна. Дуучин Руббиг мөн нурангин дорооос эрэн хайж байна.
Тоглолтын үеэр хэдэн үзэгч цугларсныг нарийн мэдэхгүй учир 400 аврагч нурангин дороос эрэн хайх ажиллагаа явуулж байгаа аж. Хамтлагийн гишүүний мэдээлснээр үүрийн 01:00 цаг гэхэд тус клуб дүүрэн үзэгчтэй байж. Ийн гэнэт газар чичирхийлж дээвэр нурсан бөгөөд газар хөдлөлт байх магадлалтай хэмээн гэрчүүд үзэж байгаа аж.
Тоглолтын үзэгчид дунд Монте Кристи мужийн захирагч Нелси Круз зэрэг улс төрч, тамирчид багтжээ.
ЭХ СУРВАЛЖ: BBC
Discussion about this post