Төрийн өндөр албан тушаалтан Д.Амарбаясгалан хөрөнгө орлогын мэдүүлгээ өгчээ. Тоон дээрээс нь харахад энгийн нэг албан хаагч гэхээсээ илүү бизнесийн акул, эсвэл тэрбумтны жагсаалтад нэр нь дөхөж очихоор дүр зураг тодорно.
• Орон сууц: 2 ширхэг
• Үйлдвэрлэлийн зориулалттай байр: 1
• Зогсоол: 3 Эдгээрийн нийт үнэ 5 тэрбум 900 сая төгрөг. Орлого талдаа ч даруухан тоо гарчээ:
• Өөрийн орлого – 1 тэрбум 6 сая 90 мянга
• Гэр бүлийн орлого – 145 сая 300 мянга Машин бол ойлгомжтой: Mercedes Benz S400. Үнэ нь 120 сая төгрөг.
Соёлын өв мэт хадгалсан адуу нь ч бас байна. 90 адуу, нийт 283 сая 676 мянга.
Үнэт эдлэлдээ 230 сая, хадгаламждаа 314 сая 237 мянга төгрөг.
Мөн бизнесийн салбарт “даруухан” оролцоотой. “Севен Три Студи”, “Соёмбо Принтинг”, “Шинэ талст”, “Голомт банк” гээд хэд хэдэн компанийн хувьцаа эзэмшдэг. Хувьцааны эзэмшлийн хувь нь 0.003%-аас 100% хүртэл хэлбэлздэг, яг л монгол хүний хувь тавилан шиг савлажээ. ⸻
Ингээд бодоход төрийн албанд ажилладаг хүмүүсийн хөрөнгө орлогын мэдүүлгийг харахад нэг зүйлийг ойлгох юм. “Даруухан амьдарна” гэж бичдэг ч тэр даруухан нь бидний төсөөллөөс нэлээд өөр ойлголт аж. Энгийн иргэд жилийн орлогоо сая саяар тоолдог бол, Амарбаясгалан даргын “даруухан” амьдрал тэрбумаар хэмжигдэнэ. Хөгжилтэй ч юм шиг, гунигтай ч юм шиг. Төрийн алба зарим хүнд ажил биш, зүгээр л тансаг хобби юм бололтой.
Discussion about this post