Хөвсгөл аймгийн Эрдэнэбулган сумын 2 дугаар баг Асаат нарийн гэдэг газар аймгийн төвөөс зүүн хойд зүгт 240 км, сумын төвөөс зүүн урд зүгт 4 сарын 2-ны өдөр ой, хээрийн түймэр гарсан.
Түймрийг өчигдөр орой цурамд оруулсан бөгөөд 2 км-ийн зайнаас ус зөөвөрлөн бүрэн унтраахаар ажиллаж байна.
Урьдчилсан байдлаар түймэрт 600 орчим га талбай өртсөн гэж Хөвсгөл аймгийн Онцгой байдлын газраас мэдээллээ.
Он гарсаар Хөвсгөл аймагт ой хээрийн түймэр нэг бүртгэгдэж байгаа бол өнгөрсөн онд тус аймгийн хэмжээнд 7 удаагийн ой хээрийн түймэр гарсан байна.
Хөвсгөл аймгийн ОБГ-аас иргэдийг онцын шаардлагагүй тохиолдолд ойд зорчихгүй байх, ил задгай гал түлэхгүй, тамхины ишээ гүйцэд унтрааж байхыг анхааруулав.
Discussion about this post