“Өсвөрийн сэргийлэгч бүлгэм”-ийн зөвөлгөөнийг Чингэлтэй дүүргийн цагдаагийн газрын нэгдүгээр хэлтэс Дотоод хэргийн их сургуультай хамтран зохион байгууллаа.

Ерөнхий боловсролын сургуулийн сурагчдыг гэмт хэрэг, зөрчлөөс урьдчилан
сэргийлэх, хүмүүжлийн зөв хандлагад уриалах, эрх зүйн мэдлэг олгох, үе тэнгийн
манлайлалыг дээшлүүлэх, “Өсвөрийн сэргийлэгч сайн дурын бүлгэм”-ийг
ажиллуулах Монгол улсын Хууль зүй, дотоод хэргийн сайд, Боловсрол, соёл,
шинжлэх ухаан спортын сайдын хамтарсан тушаалын хэрэгжилтийг хангах,
цагдаагийн байгууллагын үйл ажиллагааг сурталчилах, ирээдүйд ард иргэдийнхээ
амар тайван, аюулгүй байдлыг сахин хамгаалах боловсон хүчийг дэмжих, хөгжүүлэх
чадавхижуулахад тулгуурлан,

Дотоод хэргийн их сургуулийн Цагдаагийн сургууль, Чингэлтэй дүүргийн цагдаагийн газар, Чингэлтэй дүүргийн гэмт хэргээс урьдчилан сэргийлэх ажлыг зохицуулах зөвлөлийн ажлын алба хамтран Чингэлтэй дүүргийн таван сургуулийн “Өсвөрийн сэргийлэгч” бүлгэмийн 9-12 дугаар ангийн 100 гаруй сурагч хүүхдүүдийг сургуулийн орчин, сургалтын үйл ажиллагаатай танилцуулах өдөрлөг зохион байгуулагджээ.

Тухайн арга хэмжээний нээлтэнд Чингэлтэй дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн ажлын албаны дарга Д.Уянга, Чингэлтэй дүүргийн цагдаагийн газрын дарга, цагдаагийн хурандаа Ц.Амгалан-Энх, Чингэлтэй дүүргийн цагдаагийн газрын нэгдүгээр хэлтсийн дарга, цагдаагийн дэд хурандаа Ц.Түвшинжаргал, Дотоод хэргийн их сургуулийн Цагдаагийн сургуулийн захирал, цагдаагийн хурандаа Б.Цогтбаатар нар оролцсон

Өдөрлөгөөр сурагчдад түүхэн замнал, музей, усан спорт сургалтын төв, цагдаагийн сургуулийн хөтөлбөр, үйл ажиллагаа зэрэг үндсэн мэдээллүүдийг танилцуулан сурагчдад хууль, эрх зүйн мэдлэг олгох, мэргэжил сонголтод туслах зэрэгт ач холбогдолтой юм.

Энэ үеэр үндсэн сургалтад хэрэглэдэг зэвсэг, тусгай хэрэгсэл болон бусад хичээлийн хэрэглэгдэхүүнүүдтэй танилцуулан тэдгээрийг хэрэглэх арга техникийн ерөнхий мэдээллийг олгосон байна.