ЦЕГ-ын Хар тамхитай тэмцэх газраас энэ оны нэгдүгээр улирлын хэмжээнд их хэмжээний мансууруулах бодис хурааж авсан, устгал хийсэн хэргүүдийн талаар мэдээлэл хийлээ.
2025 оны эхний 3 сард мансууруулах эм, сэтгэцэд нөлөөт бодистой холбоотой 66 гэмт хэрэг бүртгэгдсэн.Үүний 60 нь Улаанбаатар хотод, 6 нь аймгуудад үйлдэгдсэн. Эдгээр гэмт хэрэгт нийт 24 этгээд холбогдсон бөгөөд үүний 84% нь эрэгтэй, 16 % нь эмэгтэй байна. Өмнөх онтой харьцуулахад 4 нэгжээр буюу 5.7 хувиар буурсан.
Ноцтой мэдээлэл нь өвдөлт намдаах эмийг мансуурах зорилгоор ашиглаж 2022 оноос хойш 13 хүүхэд нас барж, 40 гаруй хүүхэд хуруу гараа тайруулжээ. Энэ төрлийн гэмт хэрэг анх 2022 оноос эхэлж бүртгэгдсэн байна. Иймд эцэг эх асран хамгаалагчдыг хүүхдэдээ тавих хараа хяналтаа сайжруулахыг анхаарууллаа.
ЦЕГ-ын Хар тамхитай тэмцэх газрын хэлтсийн дарга, хурандаа Б.Батхуяг:
Монгол Улсын 4 иргэн ОХУ-аас Сэлэнгэ аймгийн Алтанбулаг хилийн боомтоос их хэмжээний мансууруулах үйлчилгээтэй эмийг хууль бусаар хилээр нэвтрүүлж, Улаанбаатар хотод орж ирэхэд нь таслан зогсоох буюу баривчилсан.Уг эм нь эмчийн жороор олгогддог, тухайн эмийг хүүхэд залуучууд мансуурах зорилгоор хэрэглэдэг. Тухайн эм нь өвдөлт намдаах үйлчилгээтэй буюу хоногт нэг ширхгийг уух зориулалттай. Гэвч үүнийг 5-10 ширхгээр нь тарианы устай найруулж, судсаар тарьж хэрэглэж байна. Энэ явцдаа судасны гадуур тарих, судас бөглөрүүлэх шалтгаанаар эрүүл мэндээ ноцтой хохироож байна.
Discussion about this post